Adeste Fideles

Adeste fideles, laeti triumphantes;
Venite, venite in Bethlehem.
Natum videte, Regem Angelorum.
Veníte adoremus,
Veníte adoremus,
Veníte adoremus Dóminum.

En grege relicto, humiles ad cunas,
Vocati pastores adproperant:
Et nos ovanti gradu festinemus.
Veníte adoremus,
Veníte adoremus,
Veníte adoremus Dóminum.

Æterni parentis splendorem æternum
Velatum sub carne videbimus
Deum infantem pannis involutum.
Veníte adoremus,
Veníte adoremus,
Veníte adoremus Dóminum.

Pro nobis egenum et faeno cubantem,
Piis foveamus amplexibus.
Sic nos amantem quis non redamaret?
Veníte adoremus,
Veníte adoremus,
Veníte adoremus Dóminum.