Adeste Fideles

1. Adeste Fideles laeti triumphantes,
Veníte, veníte in Bethlehem.
Natum vidéte, Regem Angelorum:
Veníte adoremus,
Veníte adoremus,
Veníte adoremus Dóminum.

2. Deum de Deo, lumen de lúmine,
gestant puellae viscera
Deum verum, genitum non factum:
Veníte adoremus,
Veníte adoremus,
Veníte adoremus Dóminum.

3. Cantet nunc io chorus Angelórum
cantet nunc aula caelestium:
Gloria in excelsis Deo:
Veníte adoremus,
Veníte adoremus,
Veníte adoremus Dóminum.

4. Ergo qui natus, die hodierna
Jesu, tibi sit glória
Patris aeterni Verbum caro factum:
Veníte adoremus,
Veníte adoremus,
Veníte adoremus Dóminum.

5. En grege relicto, Humiles ad cunas
Vocati pastores approperant;
Et nos ovanti gradu festinemus.
Veníte adoremus,
Veníte adoremus,
Veníte adoremus Dóminum.

6. Aeterni Parentis splendorem aeternum
Velatum sub carne videbimus,
Deum infantem, pannis involutum
Veníte adoremus,
Veníte adoremus,
Veníte adoremus Dóminum.

7. Pro nobis egenum Et foeno cubantem,
Piis foveamus amplexibus;
Sic nos anamtem quis non redamaret?
Veníte adoremus,
Veníte adoremus,
Veníte adoremus Dóminum.

8. Stella duce, Magi, Christum adorantes,
Aurum, thus, et myrrham dant munera;
Jesu infanti corda praebeamus.
Veníte adoremus,
Veníte adoremus,
Veníte adoremus Dóminum.